WILAYA YA LUDEWA YAANZA UGAWAJI WA VYANDARUA KWAAJILI YA KUJIKINGA NA MBU WAENEZAO UGONJWA WA MALARIA KWA WANAFUNZI WA SHULE ZA MSINGI KUANZIA DARASA LA KWANZA HADI LA DARASA LA SITA

tarehe Iliyowekwa: November 10th, 2023

Na. Chrispin Kalinga - Ludewa

Wizara ya afya kupitia mpango wa taifa wa kudhibiti Malaria (NMCP) kwa kushirikiana na OR-TAMISEMI inatekeleza afua mbalimbali za kudhibiti ugojwa wa malaria ikiwa na lengo la kutokomeza  ugonjwa wa Malaria ifikapo mwaka 2030 kwa kuhakikisha wananchi wote wanatumia vyandarua vilivyowekewa dawa ya muda mrefu ya kuuwa mbu.

Miongoni mwa afua zinazo tumika katika kupambana na kudhiti ugonjwa wa malaria ni pamoja na Ugawaji wa vyandarua kwa akinamama wajawazito hudhurio la kwanza la kliniki,

Watoto wa umri wa miezi tisa wanao stahili kupata chanjo ya Surua Rubella

Wazee kuanzia miaka 60 nakuendelea waliotibiwa OPD,

Wateja wa CTC wanaohudhuria vituoni

Watoto umri chini ya miaka mitano, waliolazwa na Kutibiwa Malaria kali,

akina mama wajawazito wanapewa kinga tiba kuanzia wiki la 14 anapohudhuria kiliniki pamoja

Kufanya usafi wa mazingira ili mbu asipate mazalia.

Halmashauri ya wilaya ya Ludewa yenye Kata 26 na vijiji 77 inaendelea na mapambano dhidi ya ugonjwa wa malaria.

Halmashauri ya Wilaya ya Ludewa kwa kushirikiana  na Wizara ya afya kupitia Bohari ya dawa(MSD)

imekuwa ikigawa vyandarua kwa makundi mbalimbali ikiwemo wanafunzi wa shule ya msingi , ambapo Novemba 08, 2023 zoezi la ugawaji vyandarua lilizunduliwa Wilayani Ludewa Kwa kuanza  kugawa kwa wanafunzi wa darasa la kwanza hadi darasa la sita Zaidi ya wanafunzi 26,333 katika shule 117 ikiwa shule 113 ni za serikali na 4 ni binafsi.